კორონავირუსის პანდემიის გამო საფეხბურთო კლუბებს ფინანსური პრობლემები შეექმნათ. მდგომარეობის გამოსასწორებლად არაერთმა მათგანმა ხელფასის შემცირებას მიმართა.
"ვესტ ჰემის" მთავარმა მწვრთნელმა, დევიდ მოიესმა ანაზღაურებიდან 30%-ის მოკლება ნებაყოფლობით გადაწყვიტა. "ბორნმუთისა" და "ბრაიტონის" მწვრთნელების შემდეგ, შოტლანდიელი მესამეა, ვინც ეს გადაწყვეტილება მიიღო.
როგორც ცნობილია, "ჩაქუჩების" ხელმძღვანელობა კრიზისული მდგომარეობის გამოსასწორებლად 30 მილიონ ევროს გაიღებს.
