ანხელ დი მარიამ "პარი სენ ჟერმენთან" კონტრაქტი განაახლა, რის მიხედვითაც იგი პარიზელთა ღირსებას 2021 წლამდე დაიცავს.
დი მარიას ფრანგული ვოიაჟი 2015 წლიდან იღებს სათავეს, მანამდე იგი „მანჩესტერ იუნაიტედის“ ღირსებას იცავდა.
30 წლის არგენტინელის მომავალი საფრთხის ქვეშ მას შემდეგ დადგა, რაც პსჟ-ს ნეიმარი და მბაპე შეუერთდნენ, თუმცა პარიზულმა კლუბმა იგი კიდევ 2 წლით შეინარჩუნა.
დი მარიამ პარიზული კლუბის რიგებში 137 მატჩი ჩაატარა, სადაც თავი 52 გოლით და 53 შედეგიანი გადაცემით გამოიჩინა.
