სატრანსფერო ფანჯრის დახურვამდე სულ 2 დღეა დარჩენილი და როგორც წარსული გამოცდილება აჩვენებს, ბოლო დღეებში გულშემატკივრები მეგატრანსფერების მოლოდინში არიან.
როგორც ევროპული გამოცემები იუწყებიან, მადრიდის „რეალი“ „იუვენტუსის“ არგენტინელ შემტევში, პაოლო დიბალაში 180 მილიონი ევროს გადახდისთვის მზად არის. ცნობილია, რომ მადრიდელები დიბალას წელიწადში 16 მილიონ ევროს სთავაზობენ.
დიბალა "ბებერი სინიორას" რიგებში 2015 წლიდან გამოდის, მის ანგარიშზე კი, 141 მატჩში გატანილი 68 გოლია.
