საფრანგეთის ნაკრების მთავარი მწვრთნელის, დიდიე დეშამის განცხადებით, იგი პოლ პოგბასა და ჟოზე მოურინიოს შორის გაუარესებულ ურთიერთობაში ჩარევას არ აპირებს.
შეგახსენებთ, რომ "მანჩესტერ იუნაიტედის" მთავარმა მწვრთნელმა პოგბას კაპიტნობა მას შემდეგ ჩამოართვა, რაც მათ შორის ურთიერთობა უკიდურესად დაიძაბა (იხილეთ აღნიშნულთან დაკავშირებით ჟოზეს განმარტება).
"მათ საქმეში ჩარევა არ მსურს და საქმე თავად უნდა მოაგვარონ. რეალურად, პოგბას საფრანგეთის ნაკრებში სულ სხვანაირი ატმოსფერო ხვდება," აღნიშნა "მამლების" მთავარმა მწვრთნელმა.
