დინამო თბილისი ახალ ტრანსფერს განახორციელებს. თბილისურ კლუბს სენეგალელი ფეხბურთელი შეუერთდება.
27 წლის არფან დაფე, შეიძლება ითქვას, რომ "დინამოს" ახალი შენაძენია. სენეგალელი ფეხბურთელი გუნდთან ერთად უკვე ვარჯიშობს, სამედიცინო შემოწმებას კი დღეს გაივლის. კლუბის ხელმძღვანელობა კი გადაწყვეტილებას მიმდინარე კვირაში მიიღებს.
არფან დაფე "დინამომდე" ირანული "ნასაჯის" ღირსებას იცავდა. მანამდე ქუთაისის "ტორპედოში", ირანულ "პაიკანსა" და ფოთის "კოლხეთში" თამაშობდა.
