დინამო თბილისის ყოფილი ფეხბურთელი ნორვეგიის ჩემპიონ გუნდში გადავიდა
2 წლის წინ
ფეხბურთი
2 წთ
"რამდენიმე კვირის გაურკვევლობის შემდეგ, ახლა უკვე ყველაფერი თავის ადგილზე დადგება. პერნამბუკო ბოდოსკენ მოემართება. გვიან ღამით მოვიდა ნანატრი ცნობა როგორც კლუბის, ასევე ფეხბურთელისთვის. პერნამბუკოს ნორვეგიაში შესვლის ნებართვა მიენიჭა. ეს დაბადების დღის შესანიშნავი საჩუქარია იმ ადამიანისთვის, რომელიც ოთხშაბათს 23 წლის გახდა. ბოლო ერთი თვის განმავლობაში ის ელოდა თავის ახალ კლუბში წასვლის ნებართვას ბრაზილიაში. ის კლუბს საწვრთნელი შეკრების დროს გაჰყვა, მიუხედავად ამისა, ვერაფერი შეედრება ასპმირაში თანაგუნდელებთან ყოფნას. ჩვენ ველით მას ადგილზე", - წერს "ბოდო/გლიმტის" ოფიციალური ვებ-გვერდი.პერნამბუკო, რომელიც უკრაინული "ლვოვის" საკუთრებაა და ნორვეგიაში იჯარით, სეზონის ბოლომდე ითამაშებს, საქართველოს მოქმედ ჩემპიონში 2020 წლის სეზონში თამაშობდა და ეროვნულ ლიგაში ჩატარებულ 14 შეხვედრაში 2 გოლის გატანა მოახერხა, მან თავი ასევე ევროპის ლიგის მესამე საკვალიფიკაციო ეტაპზე, "კლაკსვიკთან" წაგებულ (1:6) შეხვედრაში გამოიჩინა.