ბაქოს ,,ნეფთჩისთან'' ჩემპიონთა ლიგის პირველი საკვალიფიკაციო ეტაპის მატჩის წინ, ,,დინამო თბილისი'' ესპანელმა მცველმა, ვიქტორ მონხილმა დატოვა. ფეხბურთელმა გუნდს გაშვება პირადი პრობლემების გამო სთხოვა.
28 წლის მცველი თბილისური კლუბის ძირითადი შემადგენლობის წევრი იყო და მიმდინარე სეზონში 20 მატჩი ჰქონდა ჩატარებული.
ესპანელი ,,დინამოდან'' უკვე მეორედ წავიდა. 2020 წლის იანვარში მონხილი ინდურ ATK-ს შეუერთდა, სადაც ქვეყნის ჩემპიონიც გახდა.
