დორტმუნდის სპორტული დირექტორი ჰოლანდის შესაძლო გაყიდვაზე: ,,ჩვენ ბანკი არ ვართ''
2 წლის წინ
ფეხბურთი
2 წთ
დორტმუნდის ,,ბორუსიას'' სპორტული დირექტორი, მიხაელ ცორკი გამოეხმაურა ინფორმაციას, რომლის თანახმადაც ,,პარი სენ ჟერმენი'' ერლინგ ჰოლანდის სანაცვლოდ 200 მილიონი ევროს გადახდას აპირებს:
,,დორტმუნდი საფეხბურთო კლუბია და არა - ბანკი. ჩვენი პოზიცია ჰოლანდთან დაკავშირებით ნათელია და არ შეცვლილა,'' - განაცხდა ცორკმა.პარასკევს ,,პარი სენ ჟერმენის” დირექტორი, ლეონარდო დორტმუნდის ,,ბორუსიას” თავდამსხმელის, ერლინგ ჰოლანდის აგენტს, მინო რაიოლას შეხვდა. გერმანული პრესის ცნობით, დორტმუნდელებს 21 წლის ფორვარდის გაშვება არ სურთ, თუმცა ნორვეგიელთან გაფორმებულ ხელშეკრულებაში არსებობს პუნქტი, რომელიც მომავალ სეზონში ფეხბურთელის 75 მილიონ ევროდ გამოსყიდვას ითვალისწინებს. ,,პსჟ-ში” კი სჯერათ, რომ იმ შემთხვევაში თუ ,,დორტმუნდს” ჰოლანდის სანაცვლოდ 200 მილიონ ევროს შესთავაზებენ, გუნდი მის გაყიდვას წელსვე დათანხმდება. ჰოლანდი ,,ბორუსიაში” 2020 წლის იანვარში ,,ზალცბურგიდან” გადავიდა. გასულ სეზონში თავდამსხმელმა გერმანული კლუბის მაისურით ჩატარებულ 40 შეხვედრაში 40 გოლი გაიტანა და 11 საგოლე გადაცემა მიითვალა. ერლინგს დორტმუნდთან კონტრაქტი 2024 წლის ზაფხულამდე აკავშირებს.
Paris Saint-Germain board has known for weeks that Erling Haaland is non-transferrable in the final days. Borussia Dortmund director Zorc again: “We are a football club and not a bank. Our position is very clear and did not change”. 🚫🇳🇴 #PSG #BVB — Fabrizio Romano (@FabrizioRomano) August 29, 2021
სხვა სტატიები
