დორტმუნდმა ლუსიენ ფავრი დაითხოვა

გერმანიის ჩემპიონატის მე-11 ტურში "დორტმუნდი" საკუთარ მოედანზე "შტუტგარტთან" ანგარიშით 1:5 განადგურდა. სწორედ შაბათს განცდილი მტკივნეული მარცხის შემდეგ მიიღო კლუბის ხელმძღვანელობამ გადაწყვეტილება 63 წლის შვეიცარიელი სპეციალისტის, "დორტმუნდის" მთავარი მწვრთნელის თანამდებობიდან გაშვებაზე. ბუნდესლიგაში 11 შეხვედრის შემდეგ "დორტმუნდი" 19 ქულით მე-5 ადგილზე იმყოფება და ბოლო 5 შეხვედრიდან მხოლოდ 1 მოიგო, 3 წააგო და 1 ფრედ დაასრულა. როგორც ჩანს, გერმანული კლუბისთვის ასეთი უარყოფითი შედეგი მიუღებელი აღმოჩნდა, რამაც ფავრის გუნდიდან გაშვება გამოიწვია. კლუბის ოფიციალურ განცხადებაში ნათქვამია: " "დორტმუნდის ბორუსია" ემშვიდობება მთავარ მწვრთნელს ლუსიენ ფავრს კლუბი მადლობას უხდის მას საქმისადმი ერთგულებისთვის და მომავალში წარამტებებს უსურვებს".

Borussia Dortmund have parted ways with head coach Lucien Favre. The club would like to thank Lucien for his dedication and wish him success in his future. pic.twitter.com/eOxSY1w9RY — Borussia Dortmund (@BlackYellow) December 13, 2020