რამდენიმე დღის წინ გაუჩინარებული თვითმფრინავისა და ფეხბურთელის ძებნის ოპერაცია ბრიტანელმა სამართალდამცველებმა ოფიციალურად შეწყვიტეს. მომხდარით შეძრწუნებული ოჯახის წევრები მზად არიან კერძო მაშველები და მყვინთავები დაიქირავონ, რათა ემილიანო სალას სამძებრო ოპერაცია გაგრძელდეს.
ბრიტანული მედია საშუალებების მიერ გავრცელებული ინფორმაციით, ემილიანო სალას ოჯახი და მისი აგენტი, მეისა ნ'დიაე კერძო სამძებრო სამუშაოების დაწყებას გეგმავენ - ამისათვის კი პროფესიონალ მყვინთავებსა და მაშველებს უხმობენ.
