კატალონიური გრანდის პრეზიდენტის, ხოსეპ მარია ბართომეუს მიერ გავრცელებული ინფორმაციის თანახმად, ერნესტო ვალვერდემ "ბარსელონასთან" კონტრაქტი 2020 წლამდე გაახანგრძლივა.
"ვალვერდეს კონტრაქტი ამჟამინდელი და მომდევნო სეზონის დასრულებამდე გახანგრძლივდა. მხარეებს შეუძლიათ კონტრაქტის გაწყვეტა - მაგრამ ამისათვის კომპენსაციის გადახდა იქნება საჭირო. ერნესტო ბრწყინვალედ ასრულებს დაკისრებულ მოვალეობას, მისი პირველი სეზონი კი ფენომენალური იყო. ვალვერდე საკმაოდ გამოცდილი მწვრთნელია, "ბარსელონა" კმაყოფილია მისი შრომით", - აღნიშნა ბართომეუმ.
