ერნესტო ვალვერდეს ბარსელონური კარიერა რიცხვებში
"ბარსელონასა" და ერნესტო ვალვერდეს გზები საბოლოოდ გაიყარა. ცოტა ხნის წინ, კატალონიურმა კლუბმა ესპანელ მწვრთნელთან განშორება დაადასტურა და ორწელიწადნახევრიანი კონტრაქტით გუნდში კიკე სეტიენი მოიყვანა. ვალვერდემ "ბლაუგრანაში" არასრული სამი სეზონი გაატარა. აქ ამ პერიოდის განმავლობაში "ბარსას" ისტორიაში ერთ-ერთ ყველაზე ხშირად გაკრიტიკებული მწვრთნელის შედეგებზე ვისაუბრებთ. 69.5% - ვალვერდემ ლა ლიგაში "ბარსელონა" 95-ჯერ გაიყვანა და აქედან 66 მატჩი მოიგო (22 ფრე, 7 წაგება). მოგების პროცენტული მაჩვენებლით (69.5), ერნესტო "ბარსელონას" ისტორიაში მწვრთნელებს შორის მეხუთეა. მას ჯერარდო მარტინო, ლუის ენრიკე, პეპ გვარდიოლა და ტიტო ვილანოვა უსწრებენ.
97 - ყველა ტურნირზე ვალვერდემ "ბარსელონასთან" ერთად 97 შეხვედრა გამარჯვებით დაასრულა. 36 - ვალვერდეს ლა ლიგაში საწყის 36 მატჩში წაგება არ ჰქონია, რაც ახალი მწვრთნელისთვის ესპანეთის უმაღლესი საფეხბურთო ჩემპიონატის ისტორიაში რეკორდი იყო. კატალონიელებმა აქედან 27 შეხვედრა მოიგეს. 43 - ლუის ენრიკეს ბოლო 7 შეხვედრაში წაუგებლობას ვალვერდეს 36 დუელი დაემატა და "ბარსამ" ლა ლიგის ისტორიაში საუკეთესო შედეგი აჩვენა - 43 შეხვედრა მარცხის გარეშე. 4 - ვალვერდემ "ბარსელონაში" 4 ტიტული მოიგო: 2 ლა ლიგა (2017/18, 2018/19), კოპა დელ რეი (2018) და ესპანეთის სუპერთასი (2018).69,5% - Ernesto Valverde has won the 69,5% of his LaLiga games for @FCBarcelona (66 out of his 95 matches), the fifth most for a Barcelona's manager ever. Predestined pic.twitter.com/jwVoo9036G — OptaJose (@OptaJose) January 13, 2020
სხვა სტატიები
