ესპანელმა ფეხბურთის ჟურნალისტმა აზარი გააკრიტიკა. ის თვლის, რომ აზარმა საკუთარი კარიერა "რეალში" ხუმრობად გადააქცია.
ბელგიელი შემტევის კარიერა "რეალში" ისე რომ ვერ აეწყო, როგორც საჭირო იყო, ახალი ამბავი არ არის. აზარს ტრავმები აწუხებს და 2019-20 წლის სეზონში ლა ლიგაში სულ რაღაც 16 შეხვედრაში მიიღო მონაწილეობა და მხოლოდ 1 გოლის გატანა შეძლო. ეს ნამდვილად არ არის, რასაც აზარისგან ფეხბურთის გულშემატკივრები ელიან, მით უმეტეს, თუ გავითვალისწინებთ მის შესანიშნავ შესაძლებლობებს.
აზარმა ვერც ესპანეთის ჩემპიონატის მე-2 ტურში შეძლო თამაში "რეალ სოსიედადის" წინააღმდეგ, სადაც "რეალმა" ნულოვანი ფრე დააფიქსირა.
შემტევის ფიზიკურ მდგომარეობასთან დაკავშირებით შეშფოთება იზრდება. ამბობენ, რომ მისი ხანგრძლივი არყოფნა კლუბისთვის პრობლემა ხდება.
თუმცა, ოფიციალურ წყაროებზე დაყრდნობით, ზიდანს არ სურს გარისკვა, რადგან აზარი ჯერ კიდევ არ არის ოპტიმალურ ფორმაში.
AS-ის ჟურნალისტმა ტომას რონსერომ გააკრიტიკა ფეხბურთელი იმის გამო, რომ ის "ხუმრობად" იქცა და ვარაუდობს, რომ კლუბს უკვე გამოუსწორებელი ზიანი მიაყენა.
"ედენ აზარი კვლავ ზიდანის გუნდის მიღმა დარჩა და ახლა სიტუაცია უკვე გამაღიზიანებელია", - წერს რონსერო.
"ვიცი, რომ შესაძლოა მან რამდენიმე წუთი ითამაშოს ოთხშაბათს შინ "ვალიადოლიდის" წინააღმდეგ ან "ლევანტეს" წინააღმდეგ გასვლით მატჩში, მაგრამ ჩემთვის ეს საკმარისი არ არის. ის ზიანი, რაც მან გუნდს მიაყენა, ვეღარ გამართლდება".
სეზონი "რეალისთვის" საკმაოდ რთულად დაიწყო, თუმცა ბელგიელმა ფეხბურთელმა, რომელშიც 100 მილიონი ევროა გადახდილი, კლუბის დახმარება ვერ შეძლო.
რონსერო ამტკიცებს, რომ აზარის პრობლემა "რეალში" არა მისი ტრავმა, არამედ მისი მონდომების ნაკლებობაა.
რონსერო ასევე ამბობს, რომ აზარი კლუბისთვის ბოლომდე არ იხარჯება და სულ სხვა იმედებით მოჰყავდათ გუნდში. ყველაფერს რომ თავი დავანებოთ, აზარი რონალდუს შემცვლელად მოიაზრებოდა, თუმცა ბელგიელი ჯერჯერობით იმედებს ნამდვილად ვერ ამართლებს.
ასევე რონსეროს განცხადებით: "ეს გეგმებში არ შედიოდა, როდესაც 50 000 აღფრთოვანებულ გულშემატკივარს აზარი მადრიდში წარუდგინეს. იყო "რეალის" მოთამაშე - ხუმრობა არაა, მაგრამ აზართან დაკავშირებული სიტუაცია სწორედ ამას ემსგავსება.
