ესპანური მედია: მამარდაშვილი ალავესთან მატჩშიც ძირითად შემადგენლობაში იქნება 

ესპანური მედია საქართველოს ნაკრების მეკარის, გიორგი მამარდაშვილის შესახებ წერს. ესპანელი ჟურნალისტების ვარაუდით, 20 წლის ქართველი გოლკიპერი "ვალენსიას" ძირითად შემადგენლობაში ლა ლიგის მესამე ტურში, "ალავესთან" გასამართ დაპირისპირებაშიც აღმოჩნდება.

"მამარდაშვილი "გრანადაში" არ იყო ისეთი გიგანტი ქართველი, როგორიც წინასასეზონო შეკრებაზე და ლა ლიგის პირველ ტურში "ხეტაფესთან", როცა "მესტალიას" თავი შეაყვარა. "ლოს კარმენესზე" მან თავისი პირველი შეცდომები დაუშვა, თუმცა "ვალენსიამ" ამას გაუძლო, რადგან არცერთი მათგანი უხეში არ იყო. "ალავესთან თამაში ახლოვდება და მასთან ერთად დებატების ახალი სერია იმასთან დაკავშირებით, თუ რომელმა მეკარემ უნდა დაიცვას "ვალენსიას" კარის უსაფრთხოება.

🧤 Mamardashvili: 20 años. 1,99 metros. Georgia. 🧡 ¡Aquí hay futuro, @valenciacf! 🧡#ValenciaGetafe #PLAYLaLigaSantander pic.twitter.com/rgU0uzMjjm — LaLiga (@LaLiga) August 13, 2021

ახლა უფრო დარწმუნებული ვარ, ვიდრე ოდესმე, რომ გიორგიმ კიდევ ერთხელ უნდა ითამაშოს. ახლა მისი სკამზე დასმა სამართლიანი არ იქნება. ის იმსახურებს თამაშს და დახურავს მატჩების ციკლს მსოფლიოს ჩემპიონატის შესარჩევი ეტაპის შესვენების წინ. მოგვიანებით დადგება დრო, როდესაც ბორდალსმა უნდა გადახედოს თავის გადაწყვეტილებას და ნულიდან დაიწყოს იასპერ სილესენთან ერთად პამპლონაში. თუმცა იქამდე "მამარდა" მინიმუმ კიდევ ერთი თამაშს მიიღებს.

🧡 Todos quieren celebrar con Mamardashvili. 😱 ¡QUÉ PARADA SALVADORA, @valenciacf! #ValenciaGetafe #PLAYLaLigaSantander pic.twitter.com/DEMbAHbT2E — LaLiga (@LaLiga) August 13, 2021

მეკარეზე საუბარს გავაგრძელებთ და ვიტყვით, რომ "ვალენსია" არ იყო სამართლიანი კრისტიან რივეროსთან მიმართებაში ამ ზაფხულს მიღებული გადაწყვეტილების დროს. ახალგაზრდა მეკარეს ორი თვის წინ ჰქონდა საინტერესო შეთავაზება იჯარით წასულიყო, მაგრამ კლუბმა ყველა მათგანი უარყო ბორდალასის დანიშვნის შემდეგ, რადგან მან ჩათვალა, რომ რივეროს მთავარ გუნდში თამაშის შესაძლებლობა ჰქონდა. ახლა ის მეოთხე მეკარედ განიხილება და მისთვის მთავარ გუნდში გახსნილი ყველა კარი დაიხურა. ნორმალურია, რომ სატრანსფერო ფანჯრის დახურვამდე პირველი და მეორე დივიზიონის მეკარეებს შორის ზღვარი გაივლება. თუ სატრანსფერო ბაზარზე სხვა გადაწყვეტილებას არ მიიღებს ის დარჩება და ბრძოლას გააგრძელებს. სხვა გამოსავალი არ არსებობს", - წერს ესპანური გამოცემა .superdeporte.es-ი.