ევრა ფეხბურთს თავს ვერ ანებებს – მანჩესტერის ვარსკვლავი უჩვეულო ამპლუაში

საფრანგეთის საფეხბურთო ნაკრებისა და “მანჩესტერ იუნაიტედის” ყოფილმა ვარსკვლავმა – პატრის ევრამ ფეხბურთთან განშორება ვერ შეძლო.

ევრას პროფესიონალური საფეხბურთო კარიერა ოფიციალურად, 2019 წელს დასრულდა – თუმცა ფრანგმა ვარსკვლავმა ინგლისის რანგით მე-11 დივიზიონში მოასპარეზე კლუბის მაისური მოირგო და მისთვის უჩვეულო პოზიციაზე ითამაშა. კარიერის განმავლობაში ევრა მარცხენა მცველის პოზიციაზე ასპარეზობდა – ასაკის მატებასთან ერთად, ევრას ფლანგის სრული კონტროლი გაუჭირდა და ამჯერად მარცხენა ვინგერის როლი მოირგო.

“ბრენტჰემის” შემადგენლობაში 39 წლის ევრამ 11-ნომრიანი მაისური მოირგო და საკმაოდ კარგი მატჩი ჩაატარა. სამწუხაროდ, ევრას გარჯის მიუხედავად, “ბრენტჰემი” 2:3 დამარცხდა. Twitter-ზე განთავსებულ პოსტში, ევრამ “ბრენტჰემის” ფეხბურთელებს მათ გვერდით თამაშის შესაძლებლობის მიცემისთვის მადლობა გადაუხადა. ევრამ რაიანგ გიგზსაც მიმართა: “გიგზი, არ ინერვიულო – შენი ნომერი შეძლებისდაგვარად დავაფასე.”

ჩემპიონთა ლიგის ტრიუმფატორი ვარსკვლავის გვერდით ასპარეზობამ, “ბრენტჰემის” ფეხბურთელები აღაფრთოვანა.

(1361)

ევრა ფეხბურთს თავს ვერ ანებებს – მანჩესტერის ვარსკვლავი უჩვეულო ამპლუაში

სტატიის ავტორი
-