ევროპა ლიგის K ჯგუფის პირველი ტურის მატჩში "ვოლფსბერგერი" შინ "ცსკა"-ს დაუპირისპირდა. შეხვედრა ფრედ, 1:1 დასრულდა.
ავსტრიელთა რიგებში შეუცვლელად ითამაშა ლუკა ლოჩოშვილმა, რომელმაც ევროპა ლიგაზე სადებიუტო მატჩი უმაღლეს დონეზე ჩაატარა.
ახალგაზრდა ქართველის ფეხბურთელის თამაში 7,3 ქულით შეაფასა sofascore-მ, რითაც ლუკა "ვოლფსბერგერის" დაცვის ხაზში საუკეთესო იყო.
ლოჩოშვილმა "ცსკა"-ს წინააღმდეგ 8-დან 7 საჰაერო ორთაბრძოლა მოიგო, ბურთი 6-ჯერ ჩაჭრა და 3 შეტევა მოიგერია. გარდა ამისა, ლუკას 11 გრძელი გადაცემიდან 8 ზუსტი იყო. აღსანიშნავია, რომ მოსკოველთა შემტევები ქართველ მცველს ერთხელაც ვერ გასცდნენ.