იტალიის ფეხბურთის ფედერაციის პრეზიდენტმა, გაბრიელე გრავინამ დარწმუნებით განაცხადა, რომ, რომ იტალიის ეროვნული ნაკრების სრული შემადგენლობა კორონავირუსის საწინააღმდეგო ვაქცინაციას გაიკეთებს.
"სკუადრა აძურას" ვაქცინაციის პროცესი ევრო 2020-ის წინ ჩაუტარდება, რომელიც მიმდინარე წლის 11 ივნისს, სწორედ იტალიის დედაქალაქში დაიწყება და რომში, "სტადიოოლიმპიკოზე", მასპინძელი და თურქეთის ნაკრებების დაპირისპირებით დაიწყება.
სულ ცოტა ხნის წინ დადასტურდა, რომ ხსენებულ შეხვედრას გულშემატკივრების 25% დაესწრება, რის მერეც იტალიის ფეხბურთის ფედერაციამ ვაქცინაციის გადაწყვეტილება მიიღო.
წინა თვეში, მსოფლიოს 2022 წლის ჩემპიონატის შესარჩევი ეტაპის საწყისი ტურების დროს, რობერტო მანჩინის გუნდში COVID19-ის ეპიდემია დაფიქსირდა. რაც ვაქცინაციასთან დაკავშირებით გადაწყვეტილების მიღების ერთ-ერთი მთავარი მიზეზი გახლდათ.
ცოტა ხნით ადრე, გავრცელდა ინფორმაცია, რომ უეფამ შესაძლოა დაავალდებულოს ევრო 2020-ზე მონაწილე ყველა ქვეყნის ფეხბურთის ფედერაცია, რომ ფეხბურთელებს და ოფიციალურ პირებს აცრა ჩაუტარდეთ.