"გამოცდილება არ გვეყო",- პირლო ვერონასთან შეხვედრის შესახებ

"გულდასაწყვეტია, რომ გამარჯვება ვერ მოვახერხეთ. კარგად ვიცოდით, რომ რთული მატჩი იქნებოდა. ჩვენ შეხვედრაში დაწინაურება შევძელით, რაც ყველაზე რთული ნაწილი იყო, თუმცა უპირატესობის შენარჩუნება ვერ მოვახერხეთ". "ფეხბურთში არის პატარა დეტალები, რომლებიც მატჩის მიმდინარეობისას განსხვავებას ქმნის და ქულების აღებაში გეხმარება, მაგრამ სამწუხაროდ, ახლაგზრდა მოთამაშეებს ეს ჯერ არ ესმით". "როდესაც შეხვედრას იგებ, უნდა ეცადო, რომ მატჩი შენს სასარგებლოდ დასრულდეს. ჩვენ ბევრი გამოცდილი მოთამაშე გვაკლდა, ამიტომ ახალგაზრდა მოთამაშეებს მატჩის მიმდინარეობის გაგება გაუჭირდათ". "მათთან გასაუბრება რონალდუსა და ალექს სანდროს ვთხოვე, რომ რაღაცები აეხსნათ, თუმცა ეს საკმარისი არ გამოდგა".

"ჩვენ საგანგებო სიტუაცია გვაქვს. ვცდილობთ კარგად ვითამაშოთ ამ მომენტში ხელმისაწვდომი მოთამაშეებით. ალვარო მორატა და პაულო დიბალა მხოლოდ ჩვენთვის არ იქნებოდა დიდი დანაკლისი, ეს ორი მოთამაშე ნებისმიერ გუნდს ძალიან დააკლდებოდა".