გასულ ზაფხულს იბრაჰიმოვიჩს კარიერის დასრულება ჰქონდა გადაწყევტილი, თუმცა გადაიფიქრა

"გუნდს გამარჯვებები და წარმატება სწყურია. ჩევნ კარგ ფორმაში ვართ და საქმეს თავს კარგად ვართმევთ. არ არის საჭირო, რომ ოცნებები და მიზნები გვქონდეს, კონკრეტული თამაშიდან კონკრეტულ თამაშამდე უნდა მოვახდინოთ კონცენტრირება. უფრო სწორად, რა თქმა უნდა, მიზნები მაქვს, გუნდმა საუკეთესო შედეგბს უნდა მიაღწიოს. ახლა მოდუნება არ შეგვიძლია, ყველას ახსოვს ჩვენი ბოლო შეხვედრები". "მირჩევნია თავად მივიყვანო გუნდი მწვერვალამდე, ვიდრე ისეთ კლუბში გადავიდე, რომელიც უკვე მწვერვალზეა, წინააღმდეგ შემთხვევაში "მილანთან" კონტრაქტს ხელს არ მოვაწერდი. ათი წლის წინ სხვა სხვა სტატუსი მქონდა, სხვა ეგო, ახლა გამოცდილება მაქვს და ყველაფერი სხვაგვარადაა".

"მე პიოლის ვუპასხე, რომ გაგრძელებას აღარ ვაპირებ, ჩემთვის საკმარისია, რადგან ოჯახიც ძალიან მნიშვნელოვანია, აქ კი მარტო ვარ. აღარ მსურს კიდევ ერთი წელი დარჩენა. მან მიპასუხა, რომ ჩემს გადაწყვეტილებას პატივს სცემდა".

"რაღაც შეიცვალა, დავრეკე მილანში და ვუთხარი, რომ თამაშს გავაგრძელებდი, არ მინდა, მომავალში რამე ვინანო".

"კარიერის დასრულებაზე ჯერ კიდევ მანჩესტერ იუნაიტედში ვფიქრობდი, როდესაც 35 თუ 36 წლის ვიყავი. მაგრამ ვინ ვარ ფეხბურთის გარეშე? ძნელია შეეშვა იმას, რასაც 25 წლის განმავლობაში აკეთებდი. ახლა მზად ვარ ამისთვის? არა, რადგან თავს ისევ ძალიან კარგად ვგრძნობ".