Gazzetta dello Sport – რა თანხას მიიღებს დინამო ბათუმი კვარაცხელიას სანაცვლოდ?

გუშინ ,,ნაპოლის” პრეზიდენტმა, აურელიო დე ლაურენტისმა, დაადასტურა, რომ საქართველოს ეროვნული ნაკრების შემტევი, ხვიჩა კვარაცხელია მომავალი სეზონიდან ნეაპოლურ გუნდში ითამაშებს. ქართველი ფეხბურთელი ახალ კლუბთან 5-წლიან კონტრაქტს გააფორმებს.

La Gazzetta dello Sport-ის ინფორმაციით, ,,ნაპოლი” ,,დინამო ბათუმს” 21 წლის ფეხბურთელის სანაცვლოდ 10 მილიონ ევროს გადაუხდის. ამავე გამოცემის ცნობით, ხვიჩას ხელფასი წელიწადში 1 მილიონი ევრო იქნება.

კვარაცხელია საქართველოში დაბრუნებამდე ყაზანის ,,რუბინში” თამაშობდა, სადაც ჩატარებულ 73 შეხვედრაში 9 გოლი გაიტანა და 18 საგოლე გადაცემა მიითვალა.

Gazzetta dello Sport – რა თანხას მიიღებს დინამო ბათუმი კვარაცხელიას სანაცვლოდ?

სტატიის ავტორი
-