22 წლის ქართველმა ნახევარმცველმა, გიორგი ხარაიშვილმა შვედეთის ჩემპიონატში მორიგი ბურთი გაიტანა.
"გეტენბორგმა", რომლის ღირსებასაც ქართველი ფეხბურთელი იცავს, მე-8 ტურის დასკვნით მატჩში "ნორკოპინგი" სტუმრად 1:2 დაამარცხა და გამარჯვების ბურთი 83-ე წუთზე სწორედ ქართველის ანგარიშზეა.
ხარაიშვილმა ზედიზედ მესამე შეხვედრაში შეძლო თავის გამოჩენა და გარდა ამისა, მას სამი საგოლე გადაცემაც დაუგროვდა.
"გეტენბორგი" 16 ქულით მეორე ადგილზეა და 16 მაისს ლიდერ "მალმიოს" უმასპინძლებს.