გიორგი მამარდაშვილი Marca-ს სეზონის აღმოჩენათა გუნდში მოხვდა

ლა ლიგის სეზონი დასრულდა, გიორგი მამარდაშვილის “ვალენსიაში” ჩატარებულმა მატჩებმა კი არამარტო ქართველ გულშემატკივარზე, არამედ, ესპანელებზეც მოახდინა შთაბეჭდილება.

საქართველოს ნაკრების 21 წლის მეკარე Marca-ს სეზონის აღმოჩენათა 11-ეულში მოხვდა. მამარდაშვილი ესპანურმა გამოცემამ ისეთი ფეხბურთელების გვერდით დააყენა, როგორებიც არიან: კამავინგა და გავი. გარდა ამისა, სიმბოლურ ნაკრებში ბილბაოს “ატლეტიკის” ფეხბურთელი, ნიკო უილიამსი და მადრიდის “ატლეტიკოს” ახალწვეული, რეინილდოც მოხვდნენ.

გიორგი მამარდაშვილი Marca-ს სეზონის აღმოჩენათა გუნდში მოხვდა 1

შეგახსენებთ, რომ გიორგი მამარდაშვილი “ვალენსიაში” გასულ ზაფხულს გადავიდა. “დინამო თბილისმა” ახალგაზრდა ფეხბურთელის სანაცვლოდ 850 ათასი ევრო მიიღო. გიორგიმ ლა ლიგის 18 მატჩში 20 გოლი გაუშვა და კარი მშრალად 8-ჯერ შეინახა. “ღამურებთან” ერთად მამარდაშვილი კოპა დელ რეის ფინალშიც გავიდა, სადაც “ბეტისთან” პენალტების სერიაში დამარცხდა.

 

გიორგი მამარდაშვილი Marca-ს სეზონის აღმოჩენათა გუნდში მოხვდა

სტატიის ავტორი
-