გლები: "კარიერაში ბევრი შეცდომა დავუშვი, ყველაფერი უკეთ შეიძლება ყოფილიყო"

"ძალიან მიჭირს იმისი ახსნა, თუ რატომ დავტოვე არსენალი. ლონდონში ძალიან ბედნიერი ვიყავი, არსენ ვენგერი მენდობოდა, ყველაფერი იდეალურად მიდიოდა. თუმცა წასვლა გადავწყვიტე. სეზონი დასრულებული იყო, დასასვენებლად ვიყავი წასული, როდესაც მწვრთნელებმა და მენეჯერებმა დამარწმუნეს, რომ ბარსელონაში უნდა წავსულიყავი. სიმართლე გითხრათ, არც ვიცოდი, რას ვაკეთებდი," ამბობს გლები.

"ახლა ნაკრებში თამაში არ მინდა. ამაზე უარი არასოდეს მითქვამს, ნაკრებში ყოველთვის სიამოვნებით ვთამაშობდი, თუმცა ახლა ასეთი დამოკიდებულება ჩემთვის მიუღებელია. გეტყვით რომ ბელორუსის ჩემპიონატშიც უკანასკნელი მატჩი ჩავატარე, ვგრძნობ რომ უკვე საკმარისია. კარიერაში ჩემი თავი 65-70%-ით წარმოვაჩინე და ძალიან ბევრი შეცდომა დავუშვი. ყველაფერი გაცილებით უკეთესად შეიძლება ყოფილიყო, მაგრამ ასე გამოვიდა," განაცხადა გლებმა.