ქვეყნის თასის ნახევარფინალში გასვლის და 11-მეტრიანის გატანის შემდეგ, ესტონეთის ჩემპიონატის პირველივე ტურში, ზაქარია ბეგლარიშვილმა მეტოქის კარის დალაშქვრა და გამარჯვების მოპოვება მოახერხა.
"ლევადიამ" შიდა ჩემპიონატში გამოსვლა ვაპრუსის "პარნუსთან" გამარჯვებით - 5:0 დაიწყო. შეხვედრის მე-18 წუთზე ანგარიში სწორედ ბეგლარიშვილის საგოლე გადაცემის შემდეგ გაიხსნა, 7 წუთში კი 30 წლის ნახევარმცველმა მიჯრით მეორე მატჩში პენალტი ზუსტად შეასრულა. ბეგლარიშვილმა მოედანი 30-ე წუთზე დატოვა.
რაც შეეხება ესტონური კლუბის მეორე ქართველ ახალწვეულს, ანტონ თოლორდავა ამჯერადაც სათადარიგოთა სკამზე დარჩა.
ბეგლარიშვილი, რომელიც თბილისის “ლოკომოტივის”, რუსთავის “მეტალურგის” და ბოლნისის “სიონის”, უნგრული “ჰონვედის“, ფინური “სეინაიოკის” და ტიოვანენის “პალაოილიატის” გარდა, ამსტერდამის “აიაქსის” 19-წლამდელთა გუნდის შემადგენლობაშიც ირიცხებოდა, 2010-2020 წლებში ტალინის “ფლორას” საკუთრება იყო და ამ გუნდთან ერთად 4-ჯერ ესტონეთის ჩემპიონატი, სამ-სამჯერ კი თასი და სუპერთასი მოიგო. მან კლუბის მაისურით 114 გოლი გაიტანა და 2017/18 წლების სეზონში საუკეთესო ფეხბურთელადაც დასახელდა, რა დროსაც 32 ბურთი შეაგდო და გუნდის საუკეთესო ბომბარდირი გახდა.
რაც შეეხება “თოლორდავას”, იგი კლუბის დაარსებიდან “თელავის” შემადგენლობაში ირიცხებოდა და 2020 წელს, ეროვნულ ლიგაში ჩატარებული კარგი სადებიუტო სეზონის შემდეგ, ლეგიონერის სტატუსი მოირგო.
ქართველების გუნდი შემდეგ შეხვედრას 21 მარტს, "ლეგიონის" წინააღმდეგ გამართავს.
