საქართველოს ფეხბურთის ფედერაციამ ოფიციალურად დაადასტურა, რომ ესპანეთთან მატჩს ტრიბუნაზე გულშემატკივარი დაესწრება.
ქომაგები სტადიონზე 28 მარტს, მსოფლიოს ჩემპიონატის საკვალიფიკაციოზე ეტაპის მეორე ტურის შეხვედრაზე დაბრუნდებიან, როცა "ჯვაროსნები" "ფურია როხას" "დინამო არენაზე" უმასპინძლებენ.
ამის შესახებ ინფორმაცია საქართველოს პრემიერ-მინისტრმა, ირაკლი ღარიბაშილმაც დაადასტურა, რომელმაც სოციალურ ქსელში პოსტი განათავსა.
