გვარდიოლა ხსნის, თუ რატომ გახდება ფოდენი მსოფლიოში ერთ-ერთი საუკეთესო ფეხბურთელი

"ფოდენის მიერ მოედანზე გატარებული თითოეული წუთი ამტკიცებს, თუ რაოდენ დიდი მონდომებით და ჟინით ცდილობს იგი თავისი მაქსიმუმის გამოვლინებას. ნუ გვავიწყდება, რომ ის ჯერ 20 წლისაა და ჯერ ბევრი რამ უნდა ისწავლოს, მაგრამ შემიძლია გითხრათ, რომ მომდევნო 10 წლის განმავლობაში, ის "სიტის" შეუცვლელი წევრი იქნება. არ მახსენდება არცერთი დღე, როდესაც მას უდისციპლინობა გამოევლინოს ან ბრაზი გამოეხატოს იმასთან დაკავშირებით, რომ არ ითამაშა. მისი თითოეული მოქმედება ცხადყოფს, რომ ის მომავალზეა ორიენტირებული: ფოდენი არის მებრძოლი, გააქვს შესანიშნავი გოლები, სწრაფად მოქმედებს და გუნდს დაცვაშიც ეხმარება. ფოდენი ჩვენ ბოლომდე გვენდობა და გუნდის დატოვება არ სურს," განაცხადა ესპანელმა სპეციალისტმა.