"მანჩესტერ სიტის" თავკაცი პეპ გვარდიოლა პსჟ-ს ახალგაზრდა შემტევს, კილიან მბაპეს აქტიურად აკვირდება და ზაფხულში მის შესაძენად 200 მილიონი ფუნტის გამოყოფას ითხოვს.
ინფორმაციას გავლენიანი ბრიტანული გამოცემა THE SUN ავრცელებს, რომელიც სტატიაში აღნიშნავს, რომ ესპანელ სპეციალისტს შემტევი ხაზის კიდევ უფრო გაძლიერება აქვს განზრახული და ამისთვის იდეალურ ვარიანტად მბაპეს განიხილავს, რომელიც 2 წელია უმაღლეს დონეზე ასპარეზობს და 19 წლის ასაკში მსოფლიო ჩემპიონობაც იზეიმა.
