პეპ გვარდიოლამ ინგლისურ მედიასთან საუბარში განაცხადა, რომ ჩემპიონთა ლიგაზე "რეალის" ვერ დამარცხების შემთხვევაში, ის სამსახურს დაკარგავს.
ინგლისში მიღწეული წარმატების შემდეგ, ცხადია, მანჩესტერელთა მესვეურები შედეგს ევროთასებზეც ითხოვენ.
"ჩემპიონთა ლიგის მოგება მინდა," - თქვა პეპმა Sky Sports-თან.
"მადრიდელებთან დაპირისპირებისთვის 2 კვირის განმავლობაში მოვემზადებით. ეს 14 დღიანი პროცესი ჩემი კარიერის ყველაზე სასიამოვნო და ბედნიერი მომენტი იქნება.
თუ "რეალს" ვერ დავამარცხებთ, "სიტის" რომელიმე ხელმძღვანელი მოვა და მეტყვის: "ეს კარგი არაა, ჩვენ ჩემპიონთა ლიგის მოგება გვინდა. ახლა მე ვაპირებ, რომ გაგათავისუფლო," - დაასრულა გვარდიოლამ.
"რეალსა" და "სიტის" შორის პირველი შეხვედრა "სანტიაგო ბერნაბეუზე", 27 თებერვალს გაიმართება, საპასუხო მატჩი კი - 18 მარტს.
