ინგლისის პრემიერლიგის 29-ე ტურის შეხვედრა "ოლდ ტრაფორდზე" გაიმართა, სადაც "მანჩესტერ იუნაიტედმა" ხანგრძლივი პაუზის შემდეგ, საშინაო არენაზე დერბი მოიგო და "სიტის" 2 უპასუხო გოლი გაუტანა.
"ქალაქელებისთვის" ეს მიმდინარე სეზონში მეშვიდე მარცხი იყო, რაც პეპ გვარდიოლასთვისანტი-რეკორდია. აქამდე, ესპანელ სპეციალისტს ერთ სეზონში, შიდა ჩემპიონატში 6-ზე მეტი შეხვედრა არასდროს წაუგია. "ბარსელონაში" და "ბაიერნში" მუშაობისას 48 წლის მწვრთნელის ჰქონდა ყველაზე ცუდი შედეგი 5 წაგება იყო. რაც შეეხება ინგლისს, აქ გვარდიოლას გუნდმა სადებიუტო სეზონში 6 მატჩი დათმო.
არ არის გამორიცხული, პეპის ანტი-რეკორდი კიდევ უფრო გაიზარდოს - ინგლისის ბოლო ორი სეზონის ჩემპიონს წინ კიდევ 10 მატჩი ელის, აქედან ორი "ლივერპულისა" და "ჩელსის" წინააღმდეგ.
