გვარდიოლას სიტის ფეხბურთელების ეროვნულ ნაკრებებში გაშვება არ სურს
3 წლის წინ
ფეხბურთი
2 წთ
"ფეხბურთელების ნაკრებებში გაშვებაში ვერნაირ აზრს ვერ ვხედავ, რადგან ინგლისში დაბრუნების შემდეგ 10 დღე იზოლაციაში უნდა გაატარონ". " მთელი სეზონის განმავლობაში თავდაუზოგავად ვშრომობდით წარმატების მისაღწევად, სანაკრებო მატჩების შემდეგ კი საკვანძო მოთამაშეები 10 დღე ვერ შეძლებენ გუნდთან ერთად ვარჯიშს და გუნდის დახმარებას. ასეთ ვითარებაში მოთამაშეები ნამდვილად არ აპირებენ ნაკრებში წასვლას". "იმ შემთხვევაში, თუ ფეხბურთელებს სანაკრებო შეკრებიდან დაბრუნებისთანავე ექნებათ შესაძლებლობა, რომ გუნდს შეუერთდნენ და დაუყოვნებლივ დაუბრუნდნენ კლუბში ვარჯიშს, მაშინ ისინი ეროვნულ გუნდებში გაემგზავრებიან". "სეზონის მნიშვნელოვან ნაწილში ჩვენ ბევრ დროსა და თანხას ვდებთ და თუ ექვსი-რვა ფეხბურთელი ვერ შეძლებს, რომ დაგვეხმაროს, მაშინ ეს ყველაფერი აზრს დაკარგავს".პრემიერ ლიგის მიმდინარე სეზონში გვარდიოლას გუნდი ბრწყინვალედ ასპარეზობს, "ქალაქელებმა" ბოლო 15 შეხვედრა ზედიზედ მოიგეს და 27 ჩატარებული შეხვედრის შემდეგ 65 ქულით სატურნირო ცხრილში პირველ პოზიციაზე იმყოფებიან. "სიტი" უახლოეს მდევარს "მანჩესტერ იუნაიტედს" 14 ქულით უსწრებს. პრემიერ ლიგის 27-ე ტურში "სიტი" სწორედ "წითელ ეშმაკებს" დაუპირისპირდება.