ჰაკიმი და პსჟ კონტრაქტზე შეთანხმდნენ

,,ინტერისა'' და მაროკოს ეროვნული ნაკრების მცველი, აშრაფ ჰაკიმი კარიერას ,,პარი სენ ჟერმენში'' გააგრძელებს. ინფორმაციას იტალიელი ჟურნალისტი, ფაბრიციო რომანო ავრცელებს. წყაროს ცნობით, მხარეები კონტრაქტის დეტალებზე უკვე შეთანხმდნენ და ფეხბურთელი სამედიცინო შემოწმებას რამდენიმე დღეში გაივლის. მაროკოელი ახალ კლუბთან 5-წლიან ხელშეკრულებას გააფორმებს. ,,პსჟ'' ჰაკიმის სანაცვლოდ ,,ინტერს'' 60 მილიონ ევროს გადაუხდის და მილანური გუნდი დამატებით 10 მილიონ ევროს მიიღებს. ასევე, ვრცელდება ინფორმაცია, რომ მიუხედავად ,,ჩელსის'' ფეხბურთელისადმი ინტერესისა, ლონდონელებს ,,ინტერისთვის'' ოფიციალური შეთავაზებით არასდროს არ მიუმართავთ. ჰაკიმიმ გასულ სეზონში ,,ნერაძურის'' მაისურით ჩატარებულ 45 შეხვედრაში 7 გოლი გაიტანა და 11 საგოლე გადაცემა მიითვალა.

Achraf Hakimi to Paris Saint-Germain, here we go! Agreement reached tonight - medicals next week. Contract until June 2026. 🔴🔵 #PSG Inter will receive €60m + €10m add ons. Chelsea never made an official bid, only talks. 🇲🇦 #CFC Donnarumma and Hakimi will be announced soon. — Fabrizio Romano (@FabrizioRomano) June 26, 2021