ჰენდერსონი: "უნდა ჩავიდეთ მიუნხენში და უკეთესი ფეხბურთი ვითამაშოთ"

"უსამართლობაა, რომ ჩვენ გოლი ვერ გავიტანეთ. მეორეს მხრივ, ჩვენ კარგად გავისარჯეთ დაცვაში და მეტოქეს მინიმალური შანსი მივეცით. პირველ ტაიმში მომენტები გვქონდა და ერთი ან ორი ბურთი უნდა გაგვეტანა. ამის მიუხედავად, დაფიქსირებული შედეგი დადებითად შეიძლება შეფასდეს. ჩვენ უნდა ჩავიდეთ მიუნხენში და საკუთარი ფეხბურთი ვითამაშოთ, გამოვიყენოთ შანსები. ეს ძალიან რთული იქნება, მაგრამ არა შეუძლებელი. ჩვენ გვაქვს მსგავს დონეზე თამაშის დიდი გამოცდილება. შემდგომ ეტაპზე გასასვლელად ყველაფერს გავაკეთებთ" - განაცხადა "ლივერპულის" კაპიტანმა.