იაია ტურე "ოლიმპიაკოსში" დაბრუნებასთანაა ახლოს. კოტ - დ'ივუარელი ნახევარმცველის აგენტის მტკიცებით, მან უკვე გაიარა სამედიცინო შემოწმება ლონდონში. გავლენიანი ბრიტანული ტაბლოიდის The Mirror-ის მტკიცებით, ინგლისის პრემიერლიგის კლუბის ნაცვლად ტურე ბერძნული "ოლიმპიაკოსის" ღირსებას დაიცავს.
გავრცელებული ინფორმაციით, ვეტერანი ნახევარმცველის წლიური ანაზღაურება გადასახადების ჩათვლით £2 მილიონს შეადგენს. "მანჩესტერ სიტის" ყოფილი ვარსკვლავის სამსახურით რამოდენიმე ინგლისური კლუბიც ინტერესდებოდა, თუმცა მოლაპარაკებები უშედეგოდ დასრულდა.
