სამხრეთის ნაციონალურ ლიგაში მოასპარეზე გუნდს, "ჰემელ ჰემფსტედს" შეიძლება ითქვას, რომ კოლინ პერეირას სახით ყველაზე ერთგული გულშემატკივარი ჰყავს.
უსინათლო კოლინი, რომელიც ჰერტფორდშირშია დაბადებული ამჟამად პლიმუთის უნივერსიტეტში ტურიზმის მენეჯერის პროფესიას ეუფლება. მიუხედავად საკმაო მანძილისა, კოლინ პერეირა და მისი ერთგული ძაღლი "ჰემელ ჰემფსტედის" ყველა საშინაო მატჩს ესწრებიან. კოლინს და მის ოთხფეხა მეგობარს ყოველ უიკენდზე 440 მილის გავლა უწევთ, რათა საყვარელ გუნდს უგულშემატკივრონ - თუმცა ეს ყველაფერი მათთვის დაბრკოლებას არ წარმოადგენს.
