"ბარსელონას" და ესპანეთის ნაკრების ყოფილი ნახევარმცველი ანდრეს ინიესტა მომავალი საქმიანობის შესახებ საუბრობს.
"მინდა, რომ ცხოვრების გარკვეულ ეტაპზე "ბარსელონაში" დავბრუნდე, მაგრამ ეს ჯერ სავსებით თეორიულ დონეზეა.
ამჟამად, როგორც ფეხბურთელი თავს კარგად ვგრძნობ. კიდევ 2 წლის განმავლობაში "ვისელკობესთან" კონტრაქტი მაკავშირებს, მერე კი ვნახოთ, როგორ ფორმაში ვიქნები. მოთამაშის კარიერის დასრულების შემდეგ, მინდა, რომ მწვრთნელი გავხდე",-ამბობს 35 წლის ფეხბურთელი.
კლუბსა და ნაკრებში ყველა შესაძლო ტიტულის არაერთხელ მომგები ფეხბურთელი, შესაძლოა მალე MLS-ში აღმოჩნდეს, მისი დამატება "ლოს ანჯელეს გალაქსის" და დევიდ ბექემის ახალ გუნდ მაიამის "ინტერს" სურს.