ინტერისა და თურქეთის ნაკრების ლეგენდა Uber-ის მძღოლად მუშაობს
90-იან და 2000-იან წლებში, ჰაკან შუქური თურქული ფეხბურთის საკულტო ფიგურა გახლდათ. სამშობლოში, პოლიტიკურ ბატალიებში ჩართვის შემდეგ, შუქური იძულებული გახდა თურქეთი დაეტოვებინა და ახლა Uber-ის მძღოლად მუშაობს. "ბლექბერნ როვერსის", "ინტერისა" და "გალათასარაის" ყოფილმა შემტევმა, პროფესიონალური საფეხბურთო კარიერა 2008 წელს დაასრულა. უკანასკნელად შუქურმა "გალათასარაის" მაისური მოირგო და დღემდე თურქული კლუბის ლეგენდად ითვლება. 2011 წელს ფეხბურთელმა პოლიტიკური კარიერა დაიწყო - შუქური თურქეთის დიდი ეროვნული ასამბლეის წევრი გახდა, თუმცა 2015 წელს თანამდებობა დატოვა, 2017 წელს კი ამერიკის შეერთებულ შტატებში გაემგზავრა. გერმანულ Welt am Sonntag-თან ინტერვიუში, ჰაკან შუქური აღნიშნავს, რომ თავის გადასარჩენად იძულებულია Uber-ის მძღოლად იმუშაოს.
Turkish legend Hakan Sukur is now an Uber driver in America. 🚕🇺🇸 The former Galatasaray star joined president Erdogan's political party in 2013, but fell out with him in 2015. 🇹🇷 He's now been exiled from Turkey by Erdogan and his bank accounts were frozen. 🤯 Insane. 🤬 pic.twitter.com/hYbV37SVqm — Football Tweet ⚽ (@Football__Tweet) January 15, 2020
"არაფერი გამაჩნია, ყველაფერი ერდოღანმა წამართვა - ჩემი დამოუკიდებლობა, სიტყვის გამოხატვის თავისუფლება და მუშაობის უფლება. ვერავინ შეძლებს ამიხსნას, თუ რაში მდგომარეობს ჩემი დანაშაული, ან რა კავშირი მქონდა ამბოხთან. არასდროს ჩამიდენია კანონდარღვევა. ყველამ იცის, რომ ტერორისტი და მოღალატე არ ვარ. ერდოღანთან უთანხმოების შემდეგ, მუქარის შემცველ წერილებს ვიღებდი. ჩემი ცოლის მაღაზია დაარბიეს, შვილები დაამცირეს, მამა დაიჭირეს და ჩემი ქონების კონფისკაცია მოახდინეს". "აღნიშნულიდან გამომდინარე, ამერიკის შეერთებულ შტატებში გავემგზავრე. თავდაპირველად კალიფორნიაში პატარა კაფე გავხსენი. უამრავი უცნაური პირის სტუმრობისა და დაძაბულობის გამო, იძულებული გავხდი კაფე დამეხურა - ახლა Uber-ის მძღოლად ვმუშაობ და წიგნებს ვყიდი", - აღნიშნა ჰაკან შუკურმა.