ინტერში ჩარიცხული ახალაიას მამა იმედოვნებს, რომ მისი შვილი საქართველოს ნაკრებში ითამაშებს
3 წლის წინ
ფეხბურთი
2 წთ
„ლადო 7 წლიდან მოლდოვაში ცხოვრობს და რეალურად, ფეხბურთზე კიშინიოვში შევიდა. ის ჩემი შვილია, ქართველია და ეს კარგად იცის. დიდი იმედი მაქვს, რომ არჩევანს საქართველოს სასარგებლოდ გააკეთებს. ამის დიდი იმედი და სურვილი მაქვს“, – აცხადებს ლადო ახალაია. თუმცა, არ მალავს, რომ მისი მიწვევა მოლდოვის ეროვნულ ნაკრებში სურთ: "ვიცი, რომ ამას უახლოეს პერიოდში აპირებენ, რომ მერე სხვა ქვეყანამ ვერ წაიყვანოს. არ ვიცი, ეს ამბავი როგორ გადაწყდება. თუმცა, ვიმეორებ, იმედი მაქვს, რომ საქართველოს სახელით ითამაშებს“.ლადო ახალაია 38 წლისაა – იყო თბილისის „დინამოს“ ერთ-ერთი ყველაზე იმედისმომცემი თავდამსხმელი. 2005 წელს იჯარით „ციურიხში“ გადავიდა. ერთხელ საქართველოს ეროვნულ ნაკრებში ითამაშა – 2004 წელს რუმინეთის წინააღმდეგ. ამჟამად კი თბილისის „დინამოს“ საფეხბურთო აკადემიის მწვრთნელია.