"ის ჯერ კიდევ 2 წლის წინ უნდა გაგვეშვა" - როი კინმა მანჩესტერის ფეხბურთელები გააკრიტიკა
ისტორიულ მეტოქესთან გამანადგურებელი ანგარიშით მარცხის შემდეგ, როი კინმა "მანჩესტერ იუნაიტედის" სამი ვარსკვლავი მწვავედ გააკრიტიკა. პრემიერ ლიგის მიმდინარე სეზონში, "ლივერპულმა" "მანჩესტერ იუნაიტედი" ორივე შეხვედრაში გაანადგურა. "ოცნებების თეატრში" შერცხვენილი (0:5) "მანჩესტერ იუნაიტედი" რეპუტაციის აღდგენას "ენფილდზე" გეგმავდა, თუმცა მოვლენები კვლავ კატასტროფულად განვითარდა და რალფ რანგნიკის გაწვრთნილმა გუნდმა 4 უპასუხო გოლი გაუშვა. ორ შეხვედრაში გაშვებული 9 გოლის საპირწონედ, "წითელმა ეშმაკებმა" განსაკუთრებული ვერაფერი შექმნეს. უსუსური შეტევა და დაცვაში უსახური თამაში - ეს ნამდვილად არ არის ის, რითის ლეგენდარული როი კინი იამაყებს. კატასტროფული პერფორმანსის ფონზე, კინის პასუხმაც არ დააყოვნა - ირლანდიელმა "წითელი ეშმაკების" 3 ფეხბურთელი მწვავედ გააკრიტიკა და აღნიშნა, რომ გუნდში ნიჭი, მებრძოლი სული და ენერგია აღარ არსებობს.
🗣️ "Lingard is not good enough for #MUFC...Rashford played like a child." Roy Keane says there's 'no team' at Manchester United ❌ pic.twitter.com/5bM25lp5dy — Sky Sports Premier League (@SkySportsPL) April 19, 2022
"ეს გუნდი ნიჭის ნაკლებობას განიცდის - ისინი არ არიან ისეთი ნიჭიერები, როგორიც თავი ჰგონიათ. გუნდში არ არსებობს მებრძოლი სული და ენერგია. "მანჩესტერ იუნაიტედის" გადასარჩენად, მოედანზე ჯესი ლინგარდი შემოვიდა. ლინგარდს გუნდი ჯერ კიდევ 2 წლის წინ უნდა დაეტოვებინა - ის არ არის საკმარისად კარგი იმისათვის, რომ ჩვენთან თამაშობდეს". "რაშფორდი პატარა ბავშვივით თამაშობდა. შეიძლება ითქვას, რომ პარტნიორები მას მხარს ვერ უბავდნენ, თუმცა პირველ ტაიმში 2 კარგი მომენტი შეუქმნეს - ყველას გვეგონა, რომ გოლს ვიხილავდით, მაგრამ ბურთი უსახურად მიიღო და მარტივად დამარცხდა. მატჩის წინ ჰარი მაგუაირი გამხნევებას ვცდილობდით. გაშვებული ბოლო გოლი, მისი პასები და დაცვა კრიტიკას ვერ უძლებს - ეს ყველაფერი მიუღებელია. მაგუაირი ასევე არ არის საკმარისად კარგი იმისათვის, რომ "მანჩესტერ იუნაიტედის" ფეხბურთელი იყოს. გუნდის განახლებაზე უნდა ვიზრუნოთ. გუნდში უნდა მოვიყვანოთ, მონდომებული, პროფესიონალი და ნიჭიერი ფეხბურთელები. "მანჩესტერ იუნაიტედი" მე-5 თუ მე-6 ადგილზე იმყოფება - დაუჯერებელია".
სხვა სტატიები
