ის, რაც ბარსელონას ქომაგებს მოეწონებათ: ჩავიმ საკუთარი სათამაშო სტილი და ტაქტიკა ახსნა | VIDEO
2 წლის წინ
ფეხბურთი
2 წთ
"ბარსელონას" ხელმძღვანელობამ მთავარი გუნდის მთავარი მწვრთნელის თანამდებობიდან, რონალდ კუმანი გაათავისუფლა. კატალონიური გრანდის ამ ვაკანტური პოზიციის დასაკავებლად ერთბაშად რამდენიმე სპეციალისტი განიხილება, თუმცა ყველაზე დიდ შანსებს ექსპერტები გუნდის ლეგენდარულ ნახევარმცველს, ჩავი ერნანდესს ანიჭებენ.
ამის ფონზე, აქტუალური ხდება ვიდეო, რომელშიც ახალგაზრდა ესპანელი მწვრთნელი საკუთარ სათამაშო ფილოსოფიას და ტაქტიკას ხსნის. YouTube არხ The Coaches' Voice-თან საუბრისას, მსოფლიოსა და ორგზის ევროპის ჩემპიონი იმ სათამაშო სქემებსა და ასპექტებს განმარტავს, რომელიც მან არაბულ "ალ-სადში" მწვრთნელობის პირველი ნაბიჯების დროს გამოიყენა. https://www.youtube.com/watch?v=3yR5B8viTWQ&t=880s როგორც Coaches Voice-ის საშუალებითაა ახსნილი, 41 წლის ესპანელი განმარტავს თავის ერთგულებას ბურთის ფლობისადმი და განიხილავს სტრატეგიებს, რომლებიც გამოიყენა როგორც მაღალი პრესინგის წინააღმდეგ, ასევე, როგორც ეს უფრო ხშირად ხდება "ალ სადის" შემთხვევაში, ღრმა ზეწოლისა და დაბალი ბლოკირების დროს. ის ასევე საუბრობს რიცხობრივი უპირატესობის აუცილებლობაზე, როგორც ბურთის ფლობის, ასევე მის გარეშე თამაშის დროს და მეორე ბურთის მოგების მნიშვნელობაზე. "ბლაუგრანას" ლეგენდამ კლუბში 17 წლის განმავლობაში 767 მატჩი ჩაატარა, 85 გოლი გაიტანა, 185 საგოლე გადაცემა გააკეთა და ყველა შესაძლო ტიტული არაერთხელ მოიგო, მათ შორის 4-ჯერ ჩემპიონთა ლიგა და 8-ჯერ ლა ლიგა. სამწვრთნელო კარიერა ჩავიმ 2019 წელს დაიწყო და მას შემდეგ, "ალ-სადთან" ერთად 7 ტიტულის მოგება მოახერხა: ყატარის ჩემპიონობა, ორ-ორჯერ ქვეყნის თასი და ლიგის თასი და ერთხელ, სუპერ თასი.Barcelona board started contacts with Xavi weeks ago. Talks will continue today to check the situation with Al-Sadd and resolve issues. Announcement not imminent yet - process just started 🔵🔴 #FCB Xavi wants Barça job. Sergi Barjuan option if FCB will need an ‘interim’ coach. pic.twitter.com/AMT0O4uc2g — Fabrizio Romano (@FabrizioRomano) October 28, 2021
სხვა სტატიები
