იტალიური მედია: იუვენტუსს ზიდანი ან კონტე ჩაიბარებს

იტალიური მედია იტყობინება, რომ მიმდინარე სეზონი მასიმილიანო ალეგრისთვის “იუვენტუსში” უკანასკნელი იქნება. მის შემსცვლელებად კი ამჟამად უგუნდოდ მყოფი ზინედინ ზიდანი და ანტონიო კონტე მოიაზრებიან.

ალეგრი “იუვენტუსის” სათავეში უკვე მე-5 სეზონია. გუნდი საკმაოდ კარგ ფორმაში იმყოფება და ალეგრის ხელმძღვანელობით, ზედიზედ მე-5 სერია ა-ს ტიტულის მოპოვებასთან ახლოსაა: უახლოესი მდევარი, “ნაპოლი,” ტურინელებს 18 ქულით ჩამორჩება.

ადგილობრივ დონეზე დომინაცია ევროპულ სარბიელზეც არ გარცელებულა: უკანასკნელად ჩემპიონთა ლიგის მოგება ტურინელებმა 1995-96 წლების სეზონში მოახერხეს. ალეგრიმ გუნდი ფინალში ორჯერ გაიყვანა, თუმცა “ბარსელონამ” და “რეალმა” “იუვენტუსი” დიდი ანგარიშით დაამარცხეს (3:1 და 4:1).

აღსანიშნავია, რომ ზინედინ ზიდანი “იუვენტუსის” ხელმძღვანელობას მიმდინარე კვირას შეხვდა, რაც იტალიელ ჟურნალისტებს არ გამორჩენიათ. ალეგრის გათავისუფლების შემთხვევაში ზიდანის ან კონტეს მოყვანის პერსპექტივის სჯერა “იუვენტუსის” ლეგენდას, ურუგვაელ ფეხბურთელ პაოლო მონტეროს: “ნამდვილად არ გამიკვირდება ეს თუ მოხდება. თუკი ალეგრი გუნდს დატოვებს, “იუვენტუსი” მის ჩანაცვლებას უმაღლესი დონის სპეციალისტით შეეცდება,” აღნიშნა ურუგვაელმა.

აღსანიშნავია, რომ “იუვენტუსსა” და ალეგრის ჩემპიონთა ლიგაზე ძალიან რთული გამოცდა ელოდებათ: “ბებერმა ქალბატონმა” ჩემპიონთა ლიგის პირველი მერვედფინალური მატჩი “ატლეტიკოსთან” ანგარიშით 2:0 დათმო.

“ზიზუ და ანტონიო გამარჯვებულის მენტალიტეტის მქონე მწვრთნელები არიან. ისინი ტურინულ გუნდს კარგად იცნობენ და აქ მათ დიდი ავტორიტეტი აქვთ,” დაამატა მან.

იტალიური მედია: იუვენტუსს ზიდანი ან კონტე ჩაიბარებს

სტატიის ავტორი
-