მიუნხენის "ბაიერნის" მთავარ მწვრთნელს, იულიან ნაგელსმანსკორონავირუსით ინფიცირება დაუდასტურდა.
34 წლის გერმანელმა სპეციალისტმა ჩემპიონთა ლიგის ჯგუფური ეტაპის მესამე ტურის შეხვედრის წინ, ლისაბონის "ბენფიკას" წინააღმდეგ (4:0), თავი ცუდად იგრძნო და მის ნაცვლად გუნდი მოედანზე მისმა ასისტენტმა, დინო ტოპმიულერმა გაიყვანა. როგორც მოგვიანებით, COVID19-ის ტესტმა აჩვენა, ახალგაზრდა მწვრთნელს კორონავირუსით ინფიცირება დაუდასტურდა.
საინტერესოა, რომ იულიან ნაგელსმანიკორონავირუსის საწინააღმდეგო ვაქცინით ორჯერადად არის აცრილი, თუმცა COVID19-ით მაინც დაავადდა.
ამჟამად, ნაგელსმანი ლისაბონიდან მიუნხენში სამედიცინო შტაბის წარმომადგენელთან ერთად დაბრუნდა და გუნდისგან განცალკევებით, თვითიზოლაციაში იმყოფება.
შემდეგ შეხვედრას "რეკორდმაისტერი" გერმანიის ბუნდესლიგაში, ნაგელსმანის ყოფილი კლუბის, "ჰოფენჰაიმის" წინააღმდეგ 23 ოქტომბერს გამართავს.
.32.webp)
