იურგენ კლოპი: "საჩემპიონო რბოლაზე არ ვფიქრობთ"

" მტკივნეული დარტყმა მივიღეთ. ყველაზე მარტივი ახსნა ისაა, რომ ამაზე პასუხისმგებლობა მე მეკისრება. შეხვედრაში უმეტესად ბურთს ჩვენ ვფლობდით, რამდენიმე მომენტი შევქმენით, მაგრამ ვერ გამოვიყენეთ. მათ კი თერთმეტმეტრიანი გამოიმუშავეს". " არასწორი გადაწყვეტილებები იქნა მიღებული კონკრეტულ მომენტში. გვქონდა მცდელობები, რომ გოლი გაგვეტანა, მაგრამ ვერ მოვახერხეთ. მოთამაშეების სწორ პოზიციაზე განლაგება, დარწმუნება იმაში, რომ ყველაფერი სწორად კეთდება, ჩემი სამუშაოა". " ეს სასტიკი მარცხია, რომლის ახსნაც რთულია. ჩემი ფეხბურთელები არ მიეკუთვნებიან იმ მოთამაშეების რიცხვს, რომლებიც 7:0-ის შემდეგ დუნდებიან. მათ გულმოდგინედ იშრომეს, თუმცა შედეგს ვერ მიაღწიეს. თუ რაიმე არ გამოგდის, უფრო გულმოდგინედ უნდა სცადო, ბევრად მეტი გააკეთო, რომ მიზანს მიაღწიო". " ახლა საქმე იმაში არაა, რომ  ვინმე დავადანაშაულოთ. საჭიროა არსებულ პრობლემებში ერთად გავერკვეთ, რასაც გავაკეთებთ კიდეც. ფეხბურთში არც ისე დიდი დრო გეძლევა. ამ მომენტში პრემიერ ლიგის ტიტულისთვის ბრძოლაზე არც კი ვფიქრობთ".