იუვენტუსს ევროთასებიდან მოკვეთა ემუქრება
უეფამ ,,იუვენტუსი'', შესაძლოა, ევროტურნირებიდან მოკვეთოს. ინფორმაციას La Gazzetta dello Sport-ი ავრცელებს.
გამოცემის ცნობით, შესაძლო დისკვალიფიკაცია გუნდის ფინანსურ დარღვევებთანაა დაკავშირებული, რაც ხელფასების გაყალბებას გულისხმობს. თუ ფაქტი დადასტურდება, ,,ბებერ ქალბატონებს'' ორგანიზაციისგან სასჯელი ემუქრებათ.
ფინანსური ფეარ-პლეის დარღვევის გამო, ,,იუვენტუსი'' 2021 წელს 3,5 მილიონი ევროთი დაჯარიმდა. თუ მომდევნო სამი წლის განმავლობაში ტურინული გრანდის ახალი დანაშაული დამტკიცდება, ჯარიმა 23 მილიონამდე გაიზრდება.
იმ შემთხვევაში თუ ,,იუვე'' წელს სერია A-ს ტოპ-შვიდეულში ვერ მოხვდება, სანქცია მაშინ ამოქმედდება, როცა კლუბი ევროთასებზე დაბრუნდება.
პარასკევს იტალიის სერია A-ს სატურნირო ცხრილში ,,იუვენტუსს” ფინანსური მაქინაციის გამო, 15 ქულა ჩამოაჭრეს. იტალიის ფეხბურთის ფედერაციამ პროკურორის მოთხოვნა დააკმაყოფილა.
ქულების დაკლების გამო, ტურინული გუნდი 22 ქულით სერია A-ს მე-10 პოზიციაზე დაქვეითდა. ,,ბებერ ქალბატონებს” აღნიშნული გადაწყვეტილების გაპროტესტების უფლება აქვთ.
Juventus are at risk of being banned from European competitions after receiving a 15-point deduction in Serie A, reports Gazzetta. https://t.co/PdiRksMaA0 #Juve #Juventus #Calcio #SerieA #UEFA
— Football Italia (@footballitalia) January 22, 2023