ჯეიმი კარაგერმა მესისა და რონალდუს შესახებ ისაუბრა

"მესი საუკეთესოა, ამასთან დაკავშირებით აზრი არასდროს შემიცვლია, ვგონებ, უმრავლესობა სწორედ ჩემსავით ფიქრობს". " თუმცა რონალდუს განსაკუთრებულად ვცემ პატივს და მესიზე მეტადაც ვაფასებ, ამის მიზეზი კი ისაა, რომ  რონალდუ დაუჯერებელი ნიჭითაა დაჯილდოვებული. მისმა მენტალიტეტმა, მიზანმიმართულობამ, სამუშაოსადმი პროფესიონალურმა მიდგომამ ის ყველსგან განსხვავებულ დონეზე აიყვანა". " როცა ფიქრობ, რომ რონალდუმ ყველაფერი გააკეთა, რაც შეიძლებოდა რომ გაეკეთებინა, ის ყოველ ჯერზე რაღაც ახლით ბრუნდება, რაც გასაოცარია". "მის კარიერაში იყო რთული მომენტები, მაგალითად "რეალში" გადასვლის საწყისი ეტაპი - რაც არ უნდა გაეკეთებინა რონალდუს ყველა მაინც მესიზე საუბრობდა. მიმაჩნია, რომ ახლა ვითარება შეიცვალა".

 " ვფიქრობ, რომ იმის გაკეთება, რასაც რონალდუ აკეთებს სხვა მოთამაშეებსაც შეუძლიათ, უბრალოდ კრიშტიანუ ამას სხვებზე ხშირად აკეთებს. რონალდუს გააქვს ბევრი გოლი, მაგრამ რასაც მესი თამაშისას აკეთებს, სხვა მოთამაშეებს უბრალოდ არ შეუძლიათ მსგავსი რამის გაკეთება". " ლეოს საოცარი დრიბლინგი მოედნის უბადლო ხედვა, გატანილი ბრწყინვალე გოლები - მსგავს რამეს დღეს იშვიათად თუ ნახავთ". "მესის შეუძლია, აკეთოს ის, რასაც სხვები ვერ იზამენ, და მეტოქეები პირღია დატოვოს", - განაცხადა კარაგერმა.