კახა ცხადაძე: “ჩვენი ფეხბურთის ისტორიაში ერთ-ერთი უძლიერესი ნაკრები გვყავს” 

საქართველოს ნაკრების ყოფილმა მთავარმა მწვრთნელმა, რომელიც ამჟამად ყაზახურ “ორდაბასში” მუშაობს, საქართველოს პირველი არხის გადაცემა “ტაიმ აუტში” 12 ნოემბერს გასამართი ისტორიული შეხვედრის შესახებ ისაუბრა და ეროვნული გუნდის შანსები შეაფასა.

ბელარუსთან ერთმატჩიანი რაუნდი იყო და ასეთ დროს სანახაობრივი თამაში არასოდეს არ არის. მთავარი დაცვაში საიმედო თამაში და მეტოქის შეცდომის გამოყენება იყო და ჩვენმა გუნდმა ეს მოახერხა. სომხეთთან გუნდი მთლიანად შეცვალა და გამოჩნდა, რომ გუნდს შეტევაში დიდი პოტენციალი გააჩნია. სამწუხაროა, რომ ვერ მოვიგეთ, მაგრამ გუნდმა კარგად ითამაშა. მაკედონიასთან ორივე მატჩი მოსაგები იყო. სახლში მეტი აგრესია გვჭირდებოდა, სკოპიეში კი გაუგებარი პენალტი დაგვინიშნეს, როდესაც მაქსიმუმ თავისუფალი დარტყმის დანიშვნა შეიძლებოდა. ვაისს დიდი სანაკრებო გამოცდილება გააჩნია და სტრატეგიის სწორი გათვლა შეუძლია. ეგაა, მეორე ნახევარში თამაშის გაძლიერება უფრო შეიძლებოდა. 

ჩვენი ფეხბურთის ისტორიაში დღეს ერთ-ერთი უძლიერესი ნაკრები გვყავს, დიდი ხანია, ასეთი კარგი მოთამაშეები არ გვყოლია და არც ასეთი კონკურენცია ყოფილა. ვაისს როტაციის საშუალება გააჩნია.

პრობლემები მხოლოდ ფლანგზეა, კაკაბაძე რომ დაგავკლდეს, ის ფაქტობრივად, შეუცვლელია. ახლა მთავარი იქნება შემადგენლობისა და სათამაშო სტრატეგიის სწორი შერჩევა და იმის მოფიქრება, ჩვენი თამაში როგორ გავაძლიეროთ. ვაისს არჩეული აქვს სათამაშო სქემები და მეეჭვება იგი შეცვალოს. მას თამაშის კარგი ანალიზი ეხერხება და მჯერა, რომ ჩვენ ამ შეხვედრის მოგება შეგვიძლია”, – თქვა 52 წლის სპეციალისტმა.

საქართველოს ნაკრები ევროპის ჩემპიონატის საკვალიფიკაციო ეტაპის ფინალურ მატჩში, 12 ნოემბერს, “დინამო არენაზე”, ჩრდ. მაკედონიის ეროვნულ გუნდს დაუპირისპირდება.

(141)

კახა ცხადაძე: “ჩვენი ფეხბურთის ისტორიაში ერთ-ერთი უძლიერესი ნაკრები გვყავს” 

სტატიის ავტორი
-