კარლო ანჩელოტი: "ამის ახსნა შეუძლებელია, ეს ბერნაბეუს მაგიის დამსახურებაა"

"მიუხედავად იმისა, რომ მატჩამდე ვიცოდით, რომ ძალიან რთული თამაში გველოდა, მოედანზე მოქმედება კიდევ უფრო მეტად გაგვიძნელდა. 0:2-ს არ ვიმსახურებდით, მაგრამ სტანდარტული სიტუაციისას შეცდომა დავუშვით. ძალიან გვაკლდა ედერ მილიტაო. მართალია, რომ პირველ ტაიმში ჩვენს გუნდს გოლის გატანის სურვილი არ ეტყობოდა. მას მერე, რაც ორი ბურთი გავუშვით, ჩვენი ფეხბურთელები რთულ ფსიქოლოგიურ მდგომარეობაში აღმოჩნდნენ. მაგრამ ამ სტადიონის მაგია ეხმარება ფეხბურთელებს და გუნდს არ დანებდნენ. სხვანაირად როგორ შეიძლება ამის ახსნა? არც ერთი წამით მიფიქრია, რომ ამ მატჩს წავაგებდით. ცხადია, მიზნის მიღწევა რთული იქნებოდა, მაგრამ "ბერნაბეუზე" მატჩები არ მთავრდება საფინალო სასტვენამდე არ სრულდება. ძნელია ამ მაგიის ახსნა, მაგრამ ფაქტია ეს გვეხმარება. სწორედ ეს მაგია დაეხმარა კარვახალს კარგად ეთამაშა დაცვის ცენტრში და ასევე დაეხმარა გუნდს ძალების მოკრებაში ნახევარფინალში გასასვლელად", - თქვა იტალიელმა სპეციალისტმა.