კემპესი: "მესი მარადონას ვერასოდეს დაჩრდილავს"
2 წლის წინ
ფეხბურთი
2 წთ
"დიეგოს დაჩრდილვა ძალიან რთულია, მას მთელ მსოფლიოში აღმერთებდნენ. ჩემი აზრით, მესიმ მსოფლიო ჩემპიონატი ზედიზედ 4-ჯერ რომ მოიგოს, იგი მარადონაზე უკეთესი მაინც ვერ გახდება. მნიშვნელობა არ აქვს, თუ რამდენ ტიტულს მოიგებს იგი, მარადონა მაინც უფრო მაღლა იდგება", - განაცხადა კემპესმა.მარიო კემპესი არგენტინის ნაკრების ისტორიაში ერთ-ერთი საუკეთესო ფორვარდი იყო. საკლუბო დონეზე, მისი წარმატება "ვალენსიას" უკავშირდება, სადაც 184 მატჩში, 116 გოლი გაიტანა და "პიჩიჩის" ტიტულს 2-ჯერ დაეუფლა. საერთაშორისო დონეზე, მან 1978 წლის მსოფლიო ჩემპიონატი მოიგო, ფინალში კი 2 გოლის გატანა შეძლო. გარინჩასთან და პაოლო როსისთან ერთად, კემპესი იმ უიშვიათეს ფეხბურთელებს შორის შედის, რომლებმაც მსოფლიო ჩემპიონატის ოქროს მედალი, ასევე საუკეთესო ფეხბურთელისა და ბომბარდირის წოდება ერთად მიიღეს.