ხავი: "გვარდიოლას მხარდაჭერა სჭირდება, გუნდმა 3 ფეხბურთელი უნდა შეიძინოს"
3 წლის წინ
ფეხბურთი
2 წთ
"სიტის მთავარი მიზანი ჩემპიონთა ლიგის მოგებაა, რადგან გუნდს ევროპის მთავარი ტიტული არასოდეს მოუგია. გუნდში ძალიან კარგი ფეხბურთელები თამაშობენ, თუმცა პეპს გაძლიერება სჭირდება. ჩემი აზრით, თუკი გუნდს 3 გამორჩეულად კარგი ფეხბურთელი შეემატება, პეპი მთავარ მიზანს აუცილებლად მიაღწევს. გასათვალისწინებელია ისიც, რომ გამორჩეული ფეხბურთელები ასაკში შედიან, რაც გვარდიოლასთვის დამატებით სირთულეს წარმოადგენს. "ცოტა ხნის წინ, სიტის ღირსებას მსოფლიოში ერთ-ერთი საუკეთესო მცველი, ვენსან კომპანი იცავდა. გუნდი დატოვა დავიდ სილვამ, აგუერო კი უკვე 32 წლის არის. გვაქვს კი იმისი გარანტია, რომ აგუერო სეზონში 30-ზე მეტი გოლის გატანას ისევ შეძლებს?" - განაცხადა ხავიმ.შეგახსენებთ, რომ მიმდინარე სატრანსფერო პერიოდში, "სიტიმ" ჰოლანდიელი მცველი, ნათან აკე (ბორნმუთი, €45.30 მლნ.), 20 წლის ესპანელი გარემარბი ფერან ტორესი (ვალენსია, €23 მლნ.) და 18 წლის იან კოუტო (კორიტიბა, €6 მლნ.) შეიძინა.
სხვა სტატიები
