ხავიმ ლა ლიგის რეკორდი დაამყარა
ლა ლიგის მე-7 ტურში ,,ბარსელონა'' ,,მალიორკას'' ესტუმრა და 1:0 დაამარცხა.
შედეგად, ხავის ხელმძღვანელობით ესპანეთის ჩეპიონატის სტუმრად ჩატარებულ მატჩებში კატალონიური გუნდის წაუგებელი სერია 18 თამაშამდე გაიზარდა (13 მოგება, 5 ფრე), რაც ლა ლიგის რეკორდია.
ხავიმ ზინედინ ზიდანის რეკორდი გააუმჯობესა - 2016 წელს ,,რეალს'' სტუმრად 17-მატჩიანი წაუგებელი სერია ჰქონდა.
,,კმაყოფილი ვარ, ყველაფერი კარგად მიდის. იმედი მაქვს, რომ ტიტულის მოპოვებას შევძლებთ. გუნდი რთულ გასვლით შეხვედრებს იგებს, რაც იმას ნიშნავს, რომ სწორ გზაზე ვართ,'' - განაცხადა ხავიმ.
ხავის ხელმძღვანელობით ,,ბარსელონას'' წაუგებელი სერია 2021 წლის 28 ნოემბერს ,,ვილიარეალთან'' მოგებით დაიწყო.
კატალონიური გუნდი ლა ლიგაში მომავალ გასვლით მატჩს 16 ოქტომბერს, ,,რეალის'' წინააღმდეგ გამართავს.
Xavi has broken Zidane's record for the longest unbeaten away streak in LaLiga history going 18 games without a loss.
— ESPN FC (@ESPNFC) October 1, 2022
He has done wonders for Barca 👏 pic.twitter.com/ThYeHg09TL