დღეს ევროპა ლიგის ბოლო ნახევარფინალური დაპირისპირება "ინტერსა" და "შახტარს" შორის გაიმართება.
დონეცკელთა სასტარტო შემადგენლობაშია დავით ხოჭოლავა. 27 წლის ქართველი მცველი ლუკაკუ-მარტინესის დუეტის შეჩერებას შეეცდება.
შეგახსენებთ, რომ 1/8 ფინალურ მატჩში "ვოლფსბურგთან" ხოჭოლავამ წითელი ბარათი მიიღო, რის გამოც მეოთხედფინალში "ბაზელთან" თამაში გამოტოვა.
"ინტერსა" და "შახტარს" შორის შეხვედრა თბილისის დროით 23 საათზე დაიწყება.
